Shiva er guden som øydeleg verda. So skapar Brahma ho på ny. Ofte ser vi Shiva i ein ring med eld og kopar slangar. Det er teikn som viser at han er øydeleggaren. Shiva lev eit enkelt liv. Han vil ikkje leve i luksus. Som klede har han berre eit tørkle, og håret er ruskete og langt. Han et berre når han må.

Shiva er og fruktbarheits guden. Mange barnelause ber til han for å få born.

Shiva har ei kone som heiter Parvati. Ho er dotter av Himalaya guden, og bur i Himalaya-fjella. Ho var forelska i Shiva, men han erta henne for den mørke huda. Då vrengte ho av seg den mørke huda, og ho hadde heilt lys hud under den mørke. Då gifta dei seg. Dei bur i ei hole oppe i Himalaya fjellet. Der har dei det fint i lag.

Shiva har ein okse som ridedyr. Han heiter Nandin. Nandin var ein gong ein mann som tilbad Shiva. Han lova at han alltid skulle bære Shiva på sine skuldre. For at han skulle bli sterk nok til det, måtte han bli ein okse.

Shiva har eit tredje auge. Det kom fram ein gong han og Parvati var ute på tur. Parvati ville tulle litt med Shiva og tok hendene for auga hans. Det ho ikkje visste, var at lyset til verda kom frå Shiva sine auge. Då vaks det fram eit tredje auge. Viss det auge ikkje hadde kome fram, so hadde verda gått under.

Sjølv om Parvati og Shiva var lykkelege saman, vart Parvati veldig einsam når Shiva var på reiser. Då skrapa ho av seg litt av huda si, og laga ein gut av huda. Han heitte Ganesha. Då Shiva kom heim frå reisa si, stod Ganesha utanfor og passa på at mora fekk fred når ho bada. Ganesha ville ikkje sleppe inn Shiva. Då blei Shiva sint, og kappa hovudet av Ganesha. Då parvati såg dette, vart ho sint og sa at Shiva måtte finne eit nytt hovudet til han. Shiva sa at han skulle ta hovudet av den fyrste levande skapningen han møtte på. Og den fyrste var ein elefant. Dermed fekk Ganesha eit elefanthovud. Det viser at han er god til å forstå og å lytte.